ساعه دماغى
موضوعاتى فى
كيف تدون على بلوجر ؟
أفضل الموضوعات
حدث فى محطه الرمل
النهارده فوجئت ان ناس صحابى بيقولولى على النت ان جريده أو مجله روز اليوسف نشرت عن مدونتى فى أحد تحقيقاتها ..
فى البداية فرحت إن مدونتى توصل للشهرة الى تخلى جريده ومجله يوميه زى روز اليوسف تنشر عنى .. لكن فرحتى اتحولت لغضب لما قريت المقال ...
أولا بدعوكم لقراءة الموضوع بتاعى هنا ثم أدعوكم تقروا الفقره الى روز اليوسف اتكلمت فيها عن مدونتى من هنا أو تشوفوا الموضوع كامل هنا
أى مقارنه بسيطه للموضوع بتاعى ولاقتباس روز اليوسف هيشوف ان الموضوع بيتكلم فى وادى وروز اليوسف بتتكلم فى وادى تانى خالص ...
أولا روز اليوسف قالت بالحرف :
ومدونة «لكم دماغكم ولى دماغى» التى قام صاحبها بوضع صورة لشوارع وسط البلد وهى خالية فى منتصف النهار التقطت منذ 8 سنوات تقريبا أثناء ظاهرة كسوف الشمس والتى خشى المواطنون الخروج من منازلهم يومها وأشار إلى أن تلك الصورة تم التقاطها يوم إضراب 4 مايو الساعة 2 ظهرا وأن الإضراب نجح!!!
أولا الصوره المنشوره فى البوست أنا جبتها من جوجل .. أى حد يكتب كلمه Empty street فى بحث صور جوجل هتطلعله الصورة ومكتوب تحتها بالإنجلش Empty street in Tiberias , والى يدور اكتر يلاقيها متاخدة من الصفحه دى الى هى صفحه من أخبار البى بى سى الإنجليزيه عن عملية إنتحارية فى اسرائيل . يعنى مش من مصر ومش من ظاهرة الكسوف زى ما روزا بتقول ...
ثانيا : روز بتقول إنى بقول إن الإضراب نجح , اصلا الموضوع بتاعى مكتوب قبل 24 ساعه من الاضراب , يعنى ده يستلزم إنى أكون عراف أو متنبىء عشان اقول إن الإضراب نجح قبل ما يحصل بأربعه وعشرين ساعه
ثالثا وأخيرا بقا : روزا بتقول انى بتكلم فى الموضوع ده عن اضراب 4 مايو بينما الموضوع منشور فى 5 ابريل يعنى قبل الإضراب الأول وليس التانى ....
من الأخر .. الموضوع كله يتلخص فى إن صحفى مبتدىء فى روزاليوسف حب يشتم شويه فى المدونين فا جمع شويه بوستات ناتجه من بحثه عن كلمه اضراب واربعه ابريل على جوجل مثلا , ولسوء حظى مدونتى كانت من ضمن المدونات الى الاستاذ اتكلم عنها منغير حتى ما يتأكد من تاريخ نشر البوست !
عموما ده تكذيب للكلام المنشور فى روزا .. المدونة هنا ملهاش أوى فى السياسة , حتى الموضوع المنشور كان منشور فى القسم الساخر مش القسم السياسى ...
وكل خبر صحفى وإنتو طيبين !
Labels: صحافه, موضوعات شخصيه
16 Comments:
March 2007
April 2007
May 2007
June 2007
July 2007
August 2007
September 2007
October 2007
November 2007
December 2007
January 2008
February 2008
March 2008
April 2008
May 2008
June 2008
July 2008
August 2008
September 2008
October 2008
November 2008
December 2008
January 2009
February 2009
March 2009
April 2009
May 2009
June 2009
July 2009
موضوعاتى فى جريدة الدستور
_______________________
فيديو تسليم جائزة موقع عشرينات
موضوعاتى فى مجله كلمتنا
موضوعاتى فى موقع عشرينات
موضوعاتى فى جريدة شباب مصر
التطور التكنولوجى والحرب الشيعيه السنيه
إعمل كوبى للكود أسفل كل
صورة لوضعها فى مدونتك
حقوق الطبع مش محفوظه
أنت الزائر رقم
للمزيد من الموضوعات يرجى تصفح الأرشيف
February 2007
March 2007
April 2007
May 2007
June 2007
July 2007
August 2007
September 2007
October 2007
November 2007
December 2007
January 2008
February 2008
March 2008
April 2008
May 2008
June 2008
July 2008
August 2008
September 2008
October 2008
November 2008
December 2008
January 2009
February 2009
March 2009
April 2009
May 2009
June 2009
July 2009
تأثير المدونات المباشر (وليس عن طريق الإعلام التقليدي كمان) هيبقى أكثر من روزا
بلا بتاع بقه، كفاية علينا رائد الفيسبوك عبدالله كمال :D
ما بقاش الا روز اليوسف كمان
بكرة بقى تطلع لنا مجلة ميكي
جتهم نيلة على خلقهم
ما تدقش يا عم ما حدش بيصدق المجلة دي
ولا حتى الناس العادية
ههههههههههه
بيقولوا عليها مجلة كافرة
هاهاهاها
بجد حاجه تقرف ناس اغبيه مصرين انهم يتعاملوا مع الناس علي انهم وطنين واحنا ولا كلب
بس الحقيقه بصراحه انا اخدت قرار النهارده
اني هعمل مدونه جديدة عن الحياة الفاسدة وطبعا انا نوي علي مدونتي الحاليه هبداء رد علي الاكذيب ديه طبعا عن طريق الشعر
وربنا يوفقنا ويرحمنا من هولاء الاغبياء التي ما زالو يغيشون ايام انهم هم الحق ونحن الخطا
مع تحيات
احمد ابو الحسن
وباذن الله اليوم اول اشعاري عن هولاء المنتفعين
الا اما فعلا مفيش جاهل يشترالهم صفحه
بتلاته تعريفه
خليهم يحفروا قبرهم باديهم
بقوا مكشوفين اوىىىىىىىى
مش هما عايزينا القله المندسه
احنا احلى قله مندسه
وسلملى ع فولكس العمرانيه
قصيد حقيقي زهقت
www.aboelhassan.blogspot.com
ارجو من كل مدون ان نقف واقفة ضد هولاء المنتفعين عديمك المبداء
سيب اللى يقول يقول انت اشترى دماغك...
لوفضل كل واحد يدافع عن نفسه علشان كلام غلط اتقال عليه....يبقى مش حنخلص
و لا انت حبيت توضح ..علشان ماتصيفش فى مارينا؟؟؟؟؟؟؟؟؟؟؟؟؟
روزا ايه اللي بتفكر ترد عليها دي
عيب عليك يا حمدي والله
تحط عقلك بعقل السو
كده تمام اوى
كده انت بتتهاجم بالمدونة وانا بتهاجم بالنقابة
احنا نعمل حزب ضد روز السودا دى
ال روز ال
دى روز محروقة لدرجة انها بقت سودا مش روزا
ولا يهمك
اضمنلك زيادة قراءك وما تخافش امن الدولة مش هيعبروك دلوقتى:)
i want to ask u about "رائحـــة الـــدم" is it really yr story ? , why can't i find it here ? i can't wait , plz publish it here . Good luck .
Meshmesha
تحياتي
كبر يا راجل
وكل واحد يقول اللى نفسه فيه
فيه حد يشتريها اساسا
صحافه فارغه
سيبك
عمرى ماندمت الا لما اشتريتها لاتستحق التصفح حتى مختلين عقليا وسيكولوجيا وكل حاجه
احنا الان بعصر الصحافه الاليكترونية
مش هما بتوع المرتجع
ارسل رساله لدماغى
ولاتنسى انا طلبت منك قبل كده ان تضيف مدونة
ديوان انس بالمجمع انا غيرت التمبليت خالص
لاتنسانا عزيزى محمد
انا عاوز اعرف بتجيب وقت منين لكل هذا النشاط هنا وبالمجمع والمجموعه بتاعتك على الفيس بوك
الله يديك الصحه والعافيه